Сіздерді соңғы қоңырау мерекесімен шын жүректен құттықтаймын!
Осыдан 11 жыл бұрын тарыдай болып мектеп табалдырығын аттаған балалар бүгін таудай болып үлкен өмірге қадам басып отыр.
Әр мектепте соңғы қоңырау мерекесі – бұл мектеп тарихына енетін көңілді әрі қуанышты оқиға.
Түлектер өздерінің он бір жыл білім алған алтын ұяларымен қоштасса, ұстаздар өздерінің сүйікті шәкірттерін өмірге қанаттандырады.
Барша жас түлектерді алда үлкен сын күтіп тұр. Барлықтарыңа Ұлттық Бірыңғай тестілеуден абыроймен өтіп, Қазақстанымыздың білікті маманы атануларыңа тілектеспін.
Көздеген мұрат – мақсаттарына қол жеткізіп, армандарың орындалсын. Келешектерің кемел, болашақтарың нұрлы болсын.
Сіздерді 9 мамыр – Ұлы Жеңіс күнімен шын жүректен құттықтаймын!
Бұл батылдық пен ерліктің, қайсарлықтың, Отанға деген сүйіспеншілік пен адалдықтың мерекесі.
Өскелең ұрпақ, баянды болашақ үшін қасық қаны қалғанша шайқасып, елге оралған соң тынымсыз еңбек еткен соғыс және тыл ардагерлеріне мың тағзым!
Сіздердің Тәуелсіз Қазақстанды құру жолындағы еңбектеріңіз, кешегі қанды шайқас жылдары оқ пен от астындағы батырлық рұхтарыңыз бен ерліктеріңіз жастарға – өшпес өнеге, өлмес мұра.
Ардақты ардагерлер, Сіздердің Ұлы Отан соғысындағы тарихи Жеңістеріңіз жастарға ұлағатты жол, бейбіт күн мен болашақ сыйлады. Сондықтан, Ұлы жеңіс – ұрпаққа аманат!
Сіздерге зор денсаулық, ұзақ та жарқын өмір тілеймін!
Сіздерді Қазақстан Республикасының Қарулы Күштерінің құрылған күнімен шын жүректен құттықтаймын!
Отан қорғаушы – қасиетті де құдіретті сөз. Бұл күні біз Қарулы күштер қатарындағы азаматтарға құрмет көрсетеміз.
Бұл мереке – ерлік пен жауынгерлік күшке ие, Отанға деген сүйіспеншілік, оның мүдделерін қорғауға деген әзірлік, қазақстандық патриотизімнің символына айналды.
Елге, жерге қорған болу атадан – балаға қалған мирас.
Бүгінгі күні ұлы дала сарбаздары мен айбынды әскеріміз, Отанның қорғаныстық қабілетін нығайтып, Қазақстан халқының бейбітшілігін қорғауда.
Қымбатты жерлестер! 7 мамыр – Отан қорғаушылар күні Сіздерге шын жүректен бақыт пен татулық, әрбір отбасына
береке-бірлік тілеймін!
Мәңгілік елдің көк байрағы бейбіт күнде желбірей берсін!
Біз достықты басты игілігіміз ретінде сақтай білдік. Еліміздегі бірлік жолы – халықтың ынтымағы мен келісімі, тілегі және қалауымен таңдалған. Біздің тұрақтылық пен бейбітшілікке негізделген стратегиялық бағытымыз болашаққа деген нық сенімнің қайнар көзі.
Биыл – елордамыз Астананың 20 жылдығын атап өтетін мерейтойлы жыл. Астана – еліміздің жүрегі, бейбітшілік пен келісімнің тал бесігіне айналған Қазақстан тәуелсіздігінің тұғыры.
Біз береке-бірлігі жарасқан, дүние жүзі мойындаған, еңселі, зайырлы мемлекетпіз.
Елдігімізді еселеп, ауызбіршілігімзді паш ететін мереке құтты болсын!
Сіздерге бақыт, еңбектеріңізге табыс тілеймін, халқымыздың ынтымағы мен бірлігі арта берсін!
Сіздерді Ұлыстың ұлы күні – Наурыз мейрамымен шын жүректен құттықтаймын!
Наурыз мейрамың халқымыз айрықша құрмет тұтқан, іргесі сөгілмес бірліктің берекесі, ырысы төгілмес тірліктің мерекесі, айбыны асқан, тамыры терең өнегелі өркениетіміздің өлшемі.
Наурыз -барлық қазақстандықтар үшін жалпы халықтық сүйікті мерекеге айналды.
Наурыз – бұл тек көктемнің ғана емес, бұл ең әуелі ізгілік пен жақсылықтың мейрамы. Бұл күн тіршіліктің, дәстүрлі құндылықтар аясында бірігіп, игілікті жаңа бастауларға ниет білдірудің нышаны.
Әз-Наурызда баршаңызға бақыт пен қуаныш, әр шаңыраққа шаттық пен ырыс тілеймін!
Наурыз мейрамы тәуелсіз елімізге
құт-береке әкелсін.
Ұлыс оң болсын! Ақ мол болсын!
Өскемен қаласының әкімі Қ. Тұмабаев
Сіздерді Жаңа жыл мерекесімен шын жүректен құттықтаймын!
2017 жыл Қазақстан үшін маңызы жоғары іс-шараларға толы болды. Елімізде 28-ші Бүкіләлемдік қысқы Универсиада, Халықаралық «Астана ЭКСПО-2017» мамандандырылған көрмесі ұйымдастырылып, Мемлекеттік рәміздер мен Қазақстан Республикасы Қарулы Күштерінің 25 жылдығы тойланды.
Ағымдағы жылы облыс орталығы Өскемен қаласында
«Менің аулам», «Менің мектебім» жаңа жобалары іске асырылуда. Өскемендіктер үшін маңызды орталық көшелер кеңейтіліп, жөндеу жұмыстары жүргізілуде.
Елбасы Н.Ә. Назарбаевтың қатысуымен «Нұрлы жол» монументі ашылып, әлеуметтік–маңызды нысандар іске қосылды.
Әрбір тұрғын қаламызды өркендетуге, оның саяси,
мәдени-спорттық, экономикалық дамуына өз үлесін қосуда.
Қадірлі жерлестер! Бірлік пен ынтымақ орнаған жерге бақ қонады. Жаңа жылдан күтер үмітіміз көп, атқарылар іс те аз емес.
2018 жылы Тәуелсіз Қазақстанның символы,
ел жүрегі – Астана қаласының 20-жылдық мерейтойын атап өтеміз.
Жаңа жыл әр шаңыраққа толағай табыс, молшылық, бақыт пен шаттық әкелсін!
Дендеріңізге саулық, отбасыларыңызға амандық тілеймін!
Тәуелсіздік – ең алдымен халқымыздың бостандыққа ұмтылған асқақ армандары мен қайсар рухының жемісі.
Егемендіктің алып келген табысы, бақыты, қуанышы, жетістігі мол. Біз – жаңа ғасырға өркениетті ұлт ретінде ендік. Әлемдік қауымдастықтың көшіне жеке керуен болып қосылдық. Тәуелсіз ел атану тек биік мәртебе ғана емес, орасан зор жауапкершілік.
«1991 жылы 16 желтоқсанда Қазақстан мүлде жаңа тарихын бастады. Біздер, қазақстандықтар, ұлт өрлеуінің қазақстандық дәуірінің негізін қалаушыға әрі тұңғыш ізашарына айналдық. Бұл – біздің ізгі уақытымыздың және барлық ұлы жетістіктеріміздің сипатын дәл беретін атау. Біз Тәуелсіз Қазақстанмен бірге өсіп келеміз» – деп атап өткен Нұрсұлтан Назарбаев.
Еліміздің жиырма алты жылда аяғынан тік тұрып, өзгелермен терезесі тең мемлекет ретінде қалыптасуы Елбасымыздың салиқалы саясаты мен еліміздің жұмыла еңбек етуінің нәтижесі.
Мәңгілік ел мызғымас бейбітшілікте болсын! Тілеуі бір, бірлігі мықты халқы бар, қайратты да жігерлі жастары бар Тәуелсіз елдің байрағы биікте желбіреп, абыройы асқақтай берсін!
Сіздерге бақыт, береке, жаңа табыстар тілеймін!
Сіздерді Өскемен қаласының туған күнімен шын жүректен құттықтаймын!
300 жылға жуық тарихы бар Шығыс Қазақстан облысының орталығы Өскемен ел экономикасын өркендетудегі маңызды рөлге ие. Қазіргі қаланың қарқынды дамуы, жаңаша сәулеттік нақышпен бой түзеп жатқан сұлу бейнесі алыстан көз тартып, көңіл баурайды.
Сіздердің қажырлы еңбектеріңіздің арқасында кенді Алтайдың астанасы түсті металлургияның орталығы ретінде танылып, мемлекет экономикасының локомотивіне айналды.
Сіздерге зор денсаулық, отбасылық береке-бірлік тілеймін! Еліміз аман, жұртымыз тыныш болсын!
Қала күні құтты болсын! Келешегі кемел Өскемен өркендеп дами берсін!
Өскемен қаласының әкімі Қ. Тұмабаев
Сіздерді Қазақстан Республикасы Конституциясы күнімен
шын жүректен құттықтаймын!
Ұлт көшбасшысы – Елбасы Нұрсұлтан Әбішұлы Назарбаев атап өткендей “Азат елдің ар-намысындай болған Ата Заңымыз қазақтың ұлан-байтақ даласының кеңдігін де, елінің ерлігі мен өрлігін де бойына сыйғызған, тәуелсіз елдің мызғымас
тұғырына айналған темірқазығы, киелі де қастерлі құжаты”
Еліміздің бүгінгі жеткен жетістігі мен алған белесі
Ата Заңымыздың тұрақтылығында. Оның қағидаларын әр азаматтың қатаң сақтауы – Қазақстанның өркениет көшімен ілгері басуына қосқан үлесі болып табылады. Алдағы уақытта мемлекетіміздің басты заңы өркендеп, қанатын кеңейтіп, елімізде татулық пен бірлік, бейбітшілік пен тұрақтылық салтанат құрып, көк байрағымыз ашық аспан астында желбірей берсін!
Мерекеміз құтты болсын! Әр отбасына береке-бірлік, шаттық пен қуаныш тілеймін!
Сіздерді шын жүрегімнен Қазақстан Республикасының Астана күнімен құттықтаймын!
Астана еліміздің бас қаласы, жаңа Қазақстанның тәуелсіздік нышаны.
Елбасы Нұрсұлтан Әбішұлы Назарбаев Астананың алдында әлемнің ең дамыған отыз елдің қатарына енуді мақсатқа қойған. Бүгінде мемлекетіміздің экономикалық дамуы осы мақсатқа жетуге бар мүмкіндікті жасады.
Тәуелсіз Қазақстанның бас қаласы Астананың әлеуметтік-экономикалық өсіп-өркендеуіне қосқан қомақты үлестеріңізге, ерен еңбектеріңізге, азаматтық қоғам құруға белсене қатысқандарыңызға, бейбітшілік пен келісімді сақтауға ат салысқандарыңызға алғысымды білдіремін.
Сіздерге бақытты да баянды өмір, зор денсаулық, қажымас қайрат, жемісті еңбек, шаңырақтарыңызға шаттық пен қуаныш, құт-береке тілеймін. Сүйікті қаламыз – ару Астана көркейе берсін!
Өскемен қаласының әкімі Қ. Тұмабаев
|
|
