Сіздерді өзімнің ресми блогымда қуана қарсы аламын!
  Өскемен – жарқын оқиғаларға толы үш ғасырға жуық тарихы бар даңқты қала. Біз өз жетістіктерімізбен және атақты жерлестерімізбен мақтанамыз. Қалыптасқан дәстүрлерімізді әрқашан құрметтеп, жаңа дәстүрлерді де құшақ жая қабылдаймыз.
Рамазан айының басталуымен құттықтау

Құрметті жерлестер! Баршаңызды қасиетті Рамазан айының басталуымен шын жүректен құттықтаймын! Бұл айда барша мұсылман қауым зәру жандарға жақсылық жасап, игі ниетін білдіреді. Ораза адам жанын тазартып, жаман іс-қылықтардан сақтайды. Осы айда тұтқан оразаларыңыз, берген зекеттеріңіз, ниет-тілектеріңіз қабыл болсын! Отбасыларыңызға бақыт, денсаулық, береке-бірлік тілеймін!

Пікірлер: 0 Қарау 1,010
Балаларды қорғау күнімен құттықтауы

Құрметті өскемендіктер!
Қымбатты балалар!

Сіздерді Халықаралық балаларды қорғау күнімен құттықтаймын! Бала – өміріміздің мәні мен сәні, әрбір адамның ең қымбат қазынасы. Біздің ұрпағымыздың балалық бал дәурені қандай болатыны тек өзімізге байланысты. Оларға ең керегі – бақытты отбасы. Жергілікті билік өз тарапынан отбасы мен отбасылық құндылықтарды сақтап, нығайту үшін, ана мен баланы қорғау үшін, балалардың құқықтарын сақтау бағытынды тиісті жұмыстар атқаруда. Ал әрбір ата-ана үшін «Бала бақыты үшін!» деген ұран өмірлік принципке айналуы тиіс. Балаларымызға ашық аспан, тату-тәтті отбасы мен ұзақ та бағытты ғұмыр тілеймін!

Пікірлер: 0 Қарау 491
Наурыз мейрамымен құттықтау

Қымбатты өскемендіктер!

Сіздерді Ұлыстың Ұлы күні Наурыз мейрамымен шын жүректен құттықтаймын. Наурыз береке-бірліктің, ізгілік пен татулық, қайырымдылық пен бауырмалдық мерекесі.

Тәуелсіздікпен қатар оралған бұл мейрам біздің еліміздегі барша оңды өзгерістермен тікелей байланысты.

Наурыз – жыл басы ғана емес, өткенді ой елегінен өткізіп, болашаққа бағдар жасайтын шақ. Атқарылған істер аз емес. Халықтың әл-ауқаты жыл санап артып, ауыл шаруашылығы, шағын және орта бизнес дамып, қаламыздың келбеті жылдан-жылға көркейіп келеді. Бірақ қолға алар іс одан да көп. Биылғы жылдың өзі айтулы оқиғаларға толы. Бұл Конституцияның және Қазақстан халқы Ассамблеясының 20-жылдығы, Ұлы Жеңістің 70-жылдығы, Қазақ хандығының 550-жылдығы, ұлы Абайдың 150-жылдық мерейтойы. Сөйтсе де, биылғы жылдың ең маңызды оқиғасы – Қазақстан Республикасы Президентінің кезектен тыс сайлауы. Осы оқиғалардың баршасы елдегі бірлік пен келісімді нығайта түсетініне кәміл сенімдімін.

Наурыз құт-береке әкелсін! Баршаңызға бейбіт өмір, мықты денсаулық, отбасыларыңызға молшылық пен табыс тілеймін!

Пікірлер: 0 Қарау 670
8-наурыз мерекесімен құттықтау

Қымбатты аналар мен әжелер! Аяулы арулар!

Сіздерді халықаралық әйелдер күнімен шын жүректен құттықтаймын! Жылдар өте жаңа мазмұнға ие болған 8-наурыз күні бүгінде сұлулық пен махаббаттың, ізгілік пен сүйіспеншіліктің мерекесіне айналып отыр. Халқымыз әркез әйел-ананы құрмет тұтып, қадірлеген. Қызғалдақтай құлпырған қызын «ел көркі» деп еркелетіп, «бір қолымен бесікті, екінші қолымен әлемді тербеткен» ананың қоғамдағы орнына лайықты бағасын бере білген.

Әрбір адамзат баласының жеткен жетістіктері мен алған биіктеріне анасының қосқан үлесі зор. «Жер бетіндегі жақсылық, ізгілік, қайырымдылық атаулының бәрі де ананың ақ сүтінен тарайды» деп Елбасымыз айтқандай, көпэтникалық халқымыздың береке-бірлікте, тату-тәтті күн кешіп отырғаны да аналарымыздың арқасы.

Ұлы жеңістің 70-жылдық мерейтойында соғыс жылдары түзде ерлермен бірге от кешіп, тылда қайраттана еңбек етіп, оларға ерекше рух берген ардагер аналардың алдында бас иеміз. Аналарымыз отбасының ұйытқысы, әрбір үйдің ырыс-берекесі болып отырған кезде, еліміздің де іргесі берік, болашағы жарқын болмақ.

Пікірлер: 0 Қарау 596
Рождествомен құттықтау

Құрметті өскемендіктер!

 Сіздерді Рождество мерекесімен құттықтаймын!

Рождество – бүкіл православиелік христиан дінін ұстанушы қауым үшін мейірбандық, ізгілік, шаттық, бейбітшілік, өзара түсіністік және келісім мерекесі болып табылады. 130-дан астам ұлт өкілдері бейбіт күнін кешіп, өзара татулықта өмір сүріп жатқан Қазақстанның берік іргесін құрайтын басты құндылықтардың да осылар екені анық. Біздің басты байлығымыз, мемлекеттіліктің негізін қалыптастыратын тұрақтылығының кепілі – көпэтникалық және көпконфессиялық халқымыздың бірлігі мен келісімі! Туған өлкеміздің өркендеуі тек өзімізге ғана байланысты. Ел игілігін арттырып, бақытты болашақ құру үшін біз татулық пен бірлікті ту етуіміз қажет.
Осы тамаша мерекеге орай баршаңызға бақыт, денсаулық, игілік пен ізгілік тілеймін.

Пікірлер: 0 Қарау 510
Қазақстан Республикасы Тәуелсіздік күнімен құттықтау

Құрметті өскемендіктер!

Сіздерді ең басты ұлттық мереке – Қазақстанның Тәуелсіздік күнімен құттықтаймыз!

Осыдан жиырма үш жыл бұрын әлем картасында жаңа мемлекет – Қазақстан Республикасы пайда болды. Ел президентінің сындарлы саясатының нәтижесінде тәуелсіздік жылдары көптеген айтулы істер атқарылды: мемлекеттік шекара айқындалып, еліміздің басты құжаты – Атазаң қабылданды, ұлттық валютамыз енгізілді, ел ядролық қарудан бас тартып, әлемнің бәсекеге қабілетті 50 елінің қатарына кірді. Бүгінгі Қазақстанды ғаламдық қауымдастық мойындап отыр. Ол ынтымағы мен бірлігі жарасқан, болашағы жарқын, келешегі кемел мемлекет. Қазір қазақ жерінде жүзден астам ұлттар мен ұлыс өкілдері бір шаңырақтың астында тату-тәтті өмір сүріп жатыр. Қилы заманды басынан кешкен қазақ халқы азаттық рухын терең сезініп, жан-жүрегімен түйсіне біледі. Алдымыздағы жылы – Ұлы даланың азат халқы Қазақ елінің мемлекеттілігінің 550 жылдығына арналуы баршамыз үшін үлкен мәртебе. Ең бастысы, өткенімізді қастерлеп, болашаққа сеніммен қарап, тәуелсіздігімізді нығайта түсу.

Осы жарқын мереке қарсаңында сіздерге шын жүректен бақыт пен береке және отбасы қуанышын тілейміз! Егемен еліміз гүлденіп, көркейе берсін!

Пікірлер: 0 Қарау 432
Қазақстан Республикасы Тұңғыш Президенті күніне орай құттықтау

Құрметті өскемендіктер!

Сіздерді Қазақстан Республикасы Тұңғыш Президенті күнімен шын жүректен құттықтаймын!

Бүгінгі күні біздің өсіп-өркендеп, болашаққа нық қадаммен келе жатқан, жас та болса жасампаз мемлекетіміздің барлық жетістіктері Елбасы – Ұлт көшбасшысы Нұрсұлтан Әбішұлының есімімен тығыз байланысты.

Тәуелсіздік алып, тәй-тәй басқан уақыттан бері халқымыз кемел басшымыздың салиқалы саясатын қолдап келеді. Осының нәтижесінде небәрі жиырма жыл арасында біз айтулы жетістіктерге жеттік. Ел экономикасы өсіп, халқымыздың әлеуметтік жағдайы жақсара түсті. Жылдан жылға еліміздегі демографиялық ахуалдың жақсаруы, ана мен бала өлімінің азайғанын да мақтанышпен айтуға тұрады.

Мерекеге орай әрбір отбасына бақыт, шаттық, толағай табыстар тілеймін!

Пікірлер: 0 Қарау 284
Ауыл шаруашылығы қызметкерлерінің күні

Құрметті  агроөнеркәсіп  кешенінің қызметкерлері!

 Сіздерді кәсіби мерекелеріңіз  – ауылшаруашылығы қызметкерлерінің күнімен құттықтаймын.

Халықтың әл-ауқаты мен өмір сапасының жақсы болуы ауыл шаруашылығының дамуымен тығыз байланысты. Бұл – экономиканың ең маңызды саласының бірі. Халық тұтынысына қажетті тауарлардың басым бөлігі ауыл шаруашылығы есебінен қамтамасыз етіліп отыр.

Сіздерге еліміздің азық-түлік қауіпсіздігін қамтамасыз ету жолындағы табанды еңбектеріңіз, өз істеріңізге деген жанашырлық және туған жерге деген таусылмас сүйіспеншіліктеріңіз үшін алғыс айтамыз. Мықты денсаулық, ұзақ ғұмыр, бақыт және толағай табыс тілеймін.

Пікірлер: 0 Қарау 460

Құрметті Үлбі металлургиялық зауытының ұжымы!

Кәсіпорынның 65-жылдық мерейтойына орай ыстық ықыласымыз бен шынайы құттықтауымызды қабыл алыңыздар!

Үлбі металлургиялық зауытының Өскемен экономикасында алар орны ерекше. Бұл кәсіпорын біздің өңірдің әл-ауқатын қамтамасыз етуге өз үлесін қосып отыр деп білеміз. Зауыт ұжымының өз ісіне деген махаббаты мен адал еңбегінің арқасында бүгінгі күні бұл өнеркәсіп алпауыты бүкіл әлемге өзінің заманауи өнімдерін ұсынып отыр.

Сіздердің қиын да болса аса қажет, терең білім мен біліктілікті қажет ететін еңбектеріңіз үшін алғыс білдіреміз. Қазақстанның экономикасын дамытудағы үлестеріңіз айтулы. Сіздердің еңбексүйгіштіктеріңіз, шеберліктеріңіз бен жауапкершіліктеріңіз нағыз құрметке лайық.

Мерейтой қарсаңында кәсіпорынға тұрақты даму мен толағай табыстар, ал ұжымға отбасы бақыты мен игілігін, жаңа жетістіктер тілейміз.

Пікірлер: 0 Қарау 238
Қарттар күні

Құрметті зейнеткерлер, ардагерлер және ақ сақалды, ақ самайлы аталар мен әжелер!

Сіздерді Қарттар күнімен шын жүректен құттықтаймын!

Қарттар күнін әрбір қазақстандық оларға жасын есіне салу үшін емес, олардың орасан еңбектеріне, жақсылығы мен даналығына бас иіп, жылы сөздер айту үшін атап өтеді. Жасы ұлғайған шақта адам қоғамға, өзортасына айтулы үлес қоса алады. Өйткені, олар аты арындаған жастыққа сабыр салып, ақыл қосып, даналыққа шақыра алады.

Сіздерге шын жүректен денсаулық, ұзақ өмір, сенім мен үміт тілеймін.

Пікірлер: 0 Қарау 317