Сіздерді өзімнің ресми блогымда қуана қарсы аламын!
  Өскемен – жарқын оқиғаларға толы үш ғасырға жуық тарихы бар даңқты қала. Біз өз жетістіктерімізбен және атақты жерлестерімізбен мақтанамыз. Қалыптасқан дәстүрлерімізді әрқашан құрметтеп, жаңа дәстүрлерді де құшақ жая қабылдаймыз.
Құрметті өскемендіктер!

Сіздерді Ұлыстың ұлы күні – Наурыз мейрамымен шын жүректен құттықтаймын!

Наурыз мейрамың халқымыз айрықша құрмет тұтқан, іргесі сөгілмес бірліктің берекесі, ырысы төгілмес тірліктің мерекесі, айбыны асқан,                                                 тамыры терең өнегелі өркениетіміздің өлшемі.

Наурыз -барлық қазақстандықтар үшін жалпы халықтық сүйікті мерекеге айналды.

 Наурыз – бұл тек көктемнің ғана емес, бұл ең әуелі ізгілік пен жақсылықтың мейрамы. Бұл күн тіршіліктің, дәстүрлі құндылықтар аясында бірігіп, игілікті жаңа бастауларға ниет білдірудің нышаны.

Әз-Наурызда баршаңызға бақыт пен қуаныш, әр шаңыраққа шаттық пен ырыс тілеймін!

Наурыз мейрамы тәуелсіз елімізге
құт-береке әкелсін.

Ұлыс оң болсын! Ақ мол болсын!

 

Өскемен қаласының әкімі                                          Қ. Тұмабаев

        

 

Пікірлер: 0 Қарау 314
Тұрғындар назарына!

Бүгін қалалық трамвай паркінің басшылығы трамвай вагондарын рельстерге шығармайтыны айтып отыр. Жауған қар рельстерді басып қалғандықтан, олардың қозғалуы екіталай екендігін айтады. Өз кезегінде қалалық әкімдік №15,27-ші автобус бағыттарының сағат 17.00-ден кейін де тоқтамай қатынайтын айтады. Естеріңізге сала кетейік, “Шығысэнерготрейд” компаниясы Трамвай паркінің 74 млн теңге электр қуаты үшін қарызы бар екендігін ескертіп, электр қуатына шектеу қойған болатын.

Пікірлер: 0 Қарау 65
Құрметті өскемендіктер және қала қонақтары!

Сіздерді Жаңа жыл мерекесімен шын жүректен құттықтаймын!

2017 жыл Қазақстан үшін маңызы жоғары іс-шараларға толы болды. Елімізде 28-ші Бүкіләлемдік қысқы Универсиада, Халықаралық «Астана ЭКСПО-2017» мамандандырылған көрмесі ұйымдастырылып, Мемлекеттік рәміздер мен Қазақстан Республикасы Қарулы Күштерінің 25 жылдығы тойланды.

Ағымдағы жылы облыс орталығы Өскемен қаласында
«Менің аулам», «Менің мектебім» жаңа жобалары іске асырылуда. Өскемендіктер үшін маңызды орталық көшелер кеңейтіліп,  жөндеу жұмыстары жүргізілуде.

Елбасы Н.Ә. Назарбаевтың қатысуымен «Нұрлы жол» монументі ашылып,  әлеуметтікмаңызды нысандар іске қосылды.  

Әрбір тұрғын қаламызды  өркендетуге, оның саяси,
мәдени-спорттық, экономикалық дамуына өз үлесін қосуда. 

Қадірлі жерлестер! Бірлік пен ынтымақ орнаған жерге бақ қонады.   Жаңа жылдан күтер үмітіміз көп, атқарылар іс те аз емес.

2018 жылы Тәуелсіз Қазақстанның символы,
ел жүрегі – Астана қаласының 20-жылдық мерейтойын атап өтеміз.

Жаңа жыл әр шаңыраққа толағай табыс, молшылық, бақыт пен шаттық әкелсін!

Дендеріңізге саулық, отбасыларыңызға амандық тілеймін!

 

Пікірлер: 0 Қарау 351
Сіздерді Қазақстан Республикасының Тәуелсіздік күні мерекесімен шын жүректен құттықтаймын!

Тәуелсіздік – ең алдымен халқымыздың бостандыққа ұмтылған асқақ армандары мен қайсар рухының жемісі.

Егемендіктің алып келген табысы, бақыты, қуанышы, жетістігі мол. Біз – жаңа ғасырға өркениетті ұлт ретінде ендік. Әлемдік қауымдастықтың көшіне жеке керуен болып қосылдық. Тәуелсіз ел атану тек биік мәртебе ғана емес, орасан зор жауапкершілік.

«1991 жылы 16 желтоқсанда Қазақстан мүлде жаңа тарихын бастады. Біздер, қазақстандықтар, ұлт өрлеуінің қазақстандық дәуірінің негізін қалаушыға әрі тұңғыш ізашарына айналдық. Бұл – біздің ізгі уақытымыздың және барлық ұлы жетістіктеріміздің сипатын дәл беретін атау. Біз Тәуелсіз Қазақстанмен бірге өсіп келеміз» – деп атап өткен Нұрсұлтан Назарбаев.

Еліміздің жиырма алты жылда аяғынан тік тұрып, өзгелермен терезесі тең мемлекет ретінде қалыптасуы Елбасымыздың салиқалы саясаты мен еліміздің жұмыла еңбек етуінің нәтижесі.

Мәңгілік ел мызғымас бейбітшілікте болсын! Тілеуі бір, бірлігі мықты халқы бар, қайратты да жігерлі жастары бар Тәуелсіз елдің байрағы биікте желбіреп, абыройы асқақтай берсін!

Сіздерге бақыт, береке,  жаңа табыстар тілеймін!

 

Пікірлер: 0 Қарау 56
Құрметті жерлестер және қала қонақтары!

Сіздерді Өскемен қаласының туған күнімен шын жүректен құттықтаймын!

        300 жылға жуық тарихы бар Шығыс Қазақстан облысының орталығы Өскемен ел экономикасын өркендетудегі маңызды рөлге ие. Қазіргі қаланың қарқынды дамуы, жаңаша сәулеттік нақышпен бой түзеп жатқан сұлу бейнесі алыстан көз тартып, көңіл баурайды.

        Сіздердің қажырлы еңбектеріңіздің арқасында кенді Алтайдың астанасы түсті металлургияның орталығы ретінде танылып, мемлекет экономикасының локомотивіне айналды.

        Сіздерге зор денсаулық, отбасылық береке-бірлік тілеймін! Еліміз аман, жұртымыз тыныш болсын!

        Қала күні құтты болсын! Келешегі кемел Өскемен өркендеп дами берсін!

Өскемен қаласының әкімі Қ. Тұмабаев

 

 

 

 

Пікірлер: 0 Қарау 59
Құрметті жерлестер! Ардақты ағайын!

Сіздерді Қазақстан Республикасы Конституциясы күнімен
шын жүректен құттықтаймын!

Ұлт көшбасшысы – Елбасы Нұрсұлтан Әбішұлы Назарбаев  атап өткендей “Азат елдің ар-намысындай болған Ата Заңымыз қазақтың ұлан-байтақ даласының кеңдігін де, елінің ерлігі мен өрлігін де бойына сыйғызған, тәуелсіз елдің мызғымас
 тұғырына айналған темірқазығы, киелі де қастерлі құжаты”

Еліміздің бүгінгі жеткен жетістігі мен алған белесі
Ата Заңымыздың тұрақтылығында. Оның қағидаларын әр азаматтың қатаң сақтауы – Қазақстанның өркениет көшімен ілгері басуына қосқан үлесі болып табылады. Алдағы уақытта мемлекетіміздің басты заңы өркендеп, қанатын кеңейтіп, елімізде татулық пен бірлік, бейбітшілік пен тұрақтылық салтанат құрып, көк байрағымыз ашық аспан астында желбірей берсін!

Мерекеміз құтты болсын! Әр отбасына береке-бірлік, шаттық пен қуаныш тілеймін!

 

Пікірлер: 0 Қарау 53
Құрметтi өскемендіктер және қала қонақтары!

Баршаңызды мұсылман халқының Ұлы мейрамы – Құрбан айт мерекесімен шын жүректен құттықтаймын!

         Құрбан айт мерекесі  – елдің береке-бірлігін бекемдейтін, қанағат пен қайырымдылықты арттыратын мейрам.

Құрбандық шалу – кісіні шүкіршілік пен тәубаға, адалдық пен сертке, беріктікке шақырады.

Ислам діні  барлық істе салиқалылық пен сабырлылыққа үндейді. Адамзаттың ізгі құндылықтарын уағыздайтын ата дініміз шектен шығуға, өзгеге қиянат жасауға жол бермейді. Ұлысты ұйыстыратын осы ұлағатты дінді халқымыз өз ұлттық дәстүрімен үйлестіріп, ғасырлар бойы бекем ұстанып келеді.

Жалпы, еліміз егемендік алғаннан бері ата дініміз ел арасында еркін тарауға мүмкіндік алды. Жұрт жиналып мешіттер тұрғызды, жастарды имандылыққа баулыды.

Атап айтқанда, бүгінгі күні қаламызда 5 мешіт жұмыс істеп тұр. Бұл халықтың діни сауатының артып, рухани қуаттануға құштарлығының көрсеткіші. Бұл әрине көңілге қуаныш ұялатады. Өйткені, иманды ел – берекелі ел.

Ислам діні қанат жайған Тәуелсіз еліміз ынтымақ-бірлігі, достығымен әлем жұртшылығының назарын өзіне аударып, үлгі болып отырғаны біз үшін аса зор абырой, әрі мақтаныш.

Елімізде Ислам дінімен қатар басқа да  діни конфессиялардың жұмыс атқаруы – біздің мемлекетімізде адам құқықтары мен бостандығына, діни наным-сенім еркіндігіне кепілдік беретін демократиялық қағидаттардың берік ірге бекіткенінің дәлелі.

 

 

 

 

 

 

 

 

 

 

 

 

 

 

 

Пікірлер: 0 Қарау 152
Қымбатты өскемендіктер!

Сіздерді шын жүрегімнен Қазақстан Республикасының Астана  күнімен құттықтаймын!

Астана еліміздің бас қаласы, жаңа Қазақстанның тәуелсіздік нышаны.

Елбасы Нұрсұлтан Әбішұлы Назарбаев Астананың алдында әлемнің ең дамыған отыз елдің қатарына енуді мақсатқа қойған. Бүгінде мемлекетіміздің экономикалық  дамуы осы мақсатқа жетуге бар мүмкіндікті жасады.

         Тәуелсіз Қазақстанның бас қаласы Астананың әлеуметтік-экономикалық өсіп-өркендеуіне қосқан қомақты үлестеріңізге, ерен еңбектеріңізге, азаматтық қоғам құруға белсене қатысқандарыңызға, бейбітшілік пен келісімді сақтауға ат салысқандарыңызға алғысымды білдіремін.

         Сіздерге бақытты да баянды өмір, зор денсаулық, қажымас қайрат, жемісті еңбек, шаңырақтарыңызға шаттық пен қуаныш, құт-береке тілеймін. Сүйікті қаламыз – ару Астана көркейе берсін!

 

Өскемен қаласының әкімі Қ. Тұмабаев

 

Пікірлер: 0 Қарау 62